ਲਾਇਲਪੁਰ ਖ਼ਾਲਸਾ ਕਾਲਜ ਵਿੱਚ ਕਮਿਸਟਰੀ ਵਿਭਾਗ ਦੀ ਮੈਂਡਲੀਵ ਸੋਸਾਇਟੀ ਵਲੋਂ ਕਰਵਾਇਆ ਗਿਆ ‘ਸਪੈਕਟ੍ਰਮ 2022’ ਪ੍ਰੋਗਰਾਮ,

ਪੀਟੀਬੀ ਖਬਰਾਂ ਸਿਖਿਆ : ਲਾਇਲਪੁਰ ਖ਼ਾਲਸਾ ਕਾਲਜ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਜਾਣਿਆ ਜਾਂਦਾ ਹੈ। ਇਸੇ ਕੜੀ ਵਿੱਚ ਕਮਿਸਟਰੀ ਵਿਭਾਗ ਦੀ ਮੈਂਡਲੀਵ ਸੋਸਾਇਟੀ ਵਲੋਂ ‘ਸਪੈਕਟ੍ਰਮ 2022’ ਪ੍ਰੋਗਰਾਮ ਕਰਵਾਇਆ ਗਿਆ। ਵਿਸ਼ਵ ਧਰਤੀ ਦਿਵਸ ਨੂੰ ਸਮਰਪਿਤ ਇੰਟਰਕਾਲਜ ਸਮਾਗਮ ਦੀ ਪ੍ਰਧਾਨਗੀ ਪ੍ਰਿੰਸੀਪਲ ਡਾ. ਗੁਰਪਿੰਦਰ ਸਿੰਘ ਸਮਰਾ ਨੇ ਕੀਤੀ।

ਉਹਨਾਂ ਸਮੁੱਚੀ ਟੀਮ ਨੂੰ ਇਹ ਸਮਾਗਮ ਕਰਵਾਉਣ ਲਈ ਵਧਾਈ ਦਿੱਤੀ। ਉਹਨਾਂ ਇਸ ਮੌਕੇ ਵੱਖ ਵੱਖ ਕਾਲਜਾਂ ਤੋਂ ਆਏ ਟੀਮ ਇੰਚਾਰਜਾਂ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ। ਸਮਾਗਮ ‘ਸਪੈਕਟ੍ਰਮ 2022’ ਦੇ ਵਿਸ਼ੇਸ਼ ਇਨਵੈਸਟ ਇਨ ਅਵਰ ਪਲੈਨੇਟ, ਪਾਇਓਨੀਰਜ ਇਨ ਦ ਫੀਲਡ ਆਫ ਕਮਿਸਟਰੀ, ਵਿਵਿਡ ਕਲਰਜ਼ ਇਨ ਕਮਿਸਟਰੀ ਐਂਡ ਇਫੈਕਟਸ ਆਫ਼ ਯੂਕਰੇਨ-ਰਸ਼ੀਆ ਵਾਰ ਸਨ।

ਸਮਾਗਮ ਵਿੱਚ ਵੱਖ ਵੱਖ ਕਾਲਜਾਂ ਦੇ 70 ਵਿਦਿਆਰਥੀਆਂ ਨੇ ਭਾਗ ਲਿਆ। ਵਿਦਿਆਰਥੀਆਂ ਨੇ ਰੰਗੋਲੀ ਘੜਾ ਸਜਾਵਟ, ਵਾਧੂ ਸਮਾਨ ‘ਚੋਂ ਵਧੀਆ ਚੀਜ਼ਾਂ ਬਣਾਉਣਾ, ਪੋਸਟਰ ਮੇਕਿੰਗ ਅਤੇ ਕਲਾ ਦੀ ਪੇਸ਼ਕਾਰੀ ਕੀਤੀ। ਵਿਭਾਗ ਦੇ ਅਧਿਆਪਕ ਡਾ. ਰਜਨੀਸ਼ ਮੌਦਗਿਲ, ਡਾ. ਨਵਜੋਤ ਕੌਰ, ਡਾ. ਭੁਪਿੰਦਰਪਾਲ ਸਿੰਘ, ਡਾ. ਗੀਤਾਂਜਲੀ ਕੌਸਲ, ਡਾ. ਵਿਕਾਸ ਕੁਮਾਰ, ਡਾ. ਹਰਸ਼ਵੀਰ ਅਰੋੜਾ ਅਤੇ

ਡਾ. ਹਰਜਿੰਦਰ ਕੌਰ ਨੇ ਵੱਖ ਵੱਖ ਈਵੈਂਟ ਦੇ ਮੁਕਾਬਲੇ ਕਰਵਾਉਣ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਡਾ. ਗਗਨਦੀਪ ਕੌਰ ਅਤੇ ਡਾ. ਉਪਮਾ ਅਰੋੜਾ ਨੇ ਈਵੈਂਟ ਜੱਜ ਦੀ ਭੂਮਿਕਾ ਨਿਭਾਈ। ਸਮਾਗਮ ਦੇ ਅਖੀਰ ‘ਤੇ ਜੈਤੂ ਵਿਦਿਆਰਥੀਆਂ ਨੂੰ ਇਨਾਮ ਅਤੇ ਸਰਟੀਫਿਕੇਟ ਦਿੱਤੇ ਗਏ। ਪ੍ਰੋ. ਅਰੁਨਜੀਤ ਕੌਰ, ਮੁਖੀ ਕਮਿਸਟਰੀ ਵਿਭਾਗ ਨੇ ਅੰਤ ਵਿੱਚ ਪ੍ਰਿੰਸੀਪਲ ਡਾ. ਗੁਰਪਿੰਦਰ ਸਿੰਘ ਸਮਰਾ, ਅਧਿਆਪਕ ਸਹਿਬਾਨ, ਟੀਮ ਇੰਚਾਰਜਾਂ ਅਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕੀਤਾ।