ਪੀਟੀਬੀ ਖਬਰਾਂ ਸਿਖਿਆ : ਲਾਇਲਪੁਰ ਖ਼ਾਲਸਾ ਕਾਲਜ ਵਿਖੇ ਕਾਲਜ ਦੇ ਈਕੋ ਨੈਵੀਗੇਟਰ ਕਲੱਬ ਦੁਆਰਾ ‘ਸਾਡਾ ਸੋਹਣਾ ਪੰਜਾਬ’ ਵਿਸ਼ੇ ‘ਤੇ ਇੱਕ ਵਰਕਸ਼ਾਪ ਲਗਾਈ ਗਈ। ਇਸ ਵਰਕਸ਼ਾਪ ਦਾ ਮਨੋਰਥ ਵਿਦਿਆਰਥੀਆਂ ਨੂੰ ਸਮਾਜਕਿ ਤੇ ਵਾਤਾਵਰਨਕ ਤੌਰ ਤੇ ਵਧੇਰੇ ਜਿੰਮੇਵਾਰ ਬਣਾਉਣਾ ਅਤੇ ਇਹ ਦੱਸਣਾ ਸੀ ਕੀ ਪੰਜਾਬ ਪੌਦਿਆਂ, ਪੰਛੀਆਂ ਪੱਖੋਂ ਬਹੁਤ ਉਜਵੱਲ ਤੇ ਹਰਿਆਲੀ ਪੱਖੋ ਬਹੁਤ ਅਮੀਰ ਸੂਬਾ ਹੈ।
ਵਰਕਸ਼ਾਪ ਵਿਚ ਸ੍ਰੀ ਹਰਪ੍ਰੀਤ ਸੰਧੂ, ਚੇਅਰਮੈਨ, ਪੰਜਾਬ ਇਨਫ਼ੋਟੈਕ ਅਤੇ ਸਾਬਕਾ ਐਡੀਸ਼ਨਲ ਐਡਵੋਕੇਟ ਜਨਰਲ ਪੰਜਾਬ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਸ੍ਰੀ ਸੰਧੂ ਭਾਵੇਂ ਪੇਸ਼ੇ ਵਜੋਂ ਵਕੀਲ ਹਨ, ਪਰ ਉਹਨਾਂ ਨੇ ਬਤੌਰ ਲੇਖਕ ਕਈ ਕਵਿਤਾਵਾਂ ਦੀ ਰਚਨਾ ਕਰਨ ਦੇ ਨਾਲ-ਨਾਲ ਦਸਤਾਵੇਜ਼ੀ ਫ਼ਿਲਮਾਂ ਵੀ ਬਣਾਈਆਂ ਹਨ।
ਉਹਨਾਂ ਵਰਕਸ਼ਾਪ ਦੌਰਾਨ ਕੌਫ਼ੀ ਟੇਬਲ ਬੁੱਕ ਸਾਡਾ ਸੋਹਣਾ ਪੰਜਾਬ ਜਾਰੀ ਕੀਤੀ, ਜਿਸ ਵਿਚ ਉਹਨਾਂ ਨੇ ਕੋਵਡਿ-19 ਕਾਰਨ ਲਾਕਡਾਊਨ ਦੌਰਾਨ ਫੋਟੋਗ੍ਰਾਫੀ ਅਤੇ ਪੰਜਾਬ ਦੇ ਵੱਖ-ਵੱਖ ਸੁੰਦਰ ਦ੍ਰਿਸ਼ਾਂ ਨੂੰ ਪੇਸ਼ ਕਰਦੀਆਂ ਤਸਵੀਰਾਂ/ਝਾਕੀਆਂ ਪੇਸ਼ ਕੀਤੀਆਂ ਹਨ। ਸ੍ਰੀ ਸੰਧੂ ਦੁਆਰਾ ਇਹ ਪੁਸਤਕ ਪ੍ਰਿੰਸੀਪਲ ਡਾ. ਗੁਰਪਿੰਦਰ ਸਿੰਘ ਸਮਰਾ ਨੂੰ ਭੇਂਟ ਕੀਤੀ ਗਈ। ਇਸ ਮੌਕੇ ਪ੍ਰਿੰਸੀਪਲ ਡਾ. ਸਮਰਾ ਨੇ ਸ੍ਰੀ ਸੰਧੂ ਦੁਆਰਾ ਇਸ ਪੁਸਤਕ ਲਈ ਵਧਾਈ ਦਿਤੀ। ਉਹਨਾਂ ਕਿਹਾ ਕੀ ਉਹਨਾਂ ਦੇ ਇਸ ਯਤਨ ਨਾਲ ਟੂਰਜ਼ਿਮ ਨੂੰ ਭਰਵਾਂ ਹੁਲਾਰਾ ਮਿਲੇਗਾ।
ਉਹਨਾਂ ਕਿਹਾ ਕਿ ਇਸ ਪੁਸਤਕ ਦਾ ਮੁੱਖ ਮਕਸਦ ਕੁਦਰਤੀ ਸੋਮਿਆਂ ਦੀ ਸੰਭਾਲ ਕਰਨਾ ਦਰਸਾਉਂਣਾ ਹੈ। ਉਹਨਾਂ ਕਿਹਾ ਕਿ ਸਾਨੂੰ ਸਭ ਨੂੰ ਪੌਦਿਆਂ ਤੇ ਜੀਵ ਜੰਤੂਆਂ ਦੀ ਸੰਭਾਲ ਕਰਨੀ ਚਾਹੀਦੀ ਹੈ। ਉਹਨਾਂ ਇਸ ਮੌਕੇ ਗਲੋਬਲੀ ਪੱਧਰ ਤੇ ਜਲਵਾਯੂ ਵਿਚ ਆ ਰਹੇ ਪਰਿਵਰਤਨ ਬਾਰੇ ਵੀ ਚਰਚਾ ਕੀਤੀ। ਇਸ ਮੌਕੇ ਡਾ. ਜਸਵਿੰਦਰ ਕੌਰ, ਮੁਖੀ ਵਾਤਾਵਰਨ ਵਿਭਾਗ ਦੁਆਰਾ ਲਿਖਤ ਪੁਸਤਕ ‘ਵਾਤਾਵਰਨ’ ਵੀ ਰਿਲੀਜ ਕੀਤੀ ਗਈ।
ਪ੍ਰੋਗਰਾਮ ਦੇ ਅਖੀਰ ਵਿਚ ਪ੍ਰੋ. ਵਿਨੀਤ ਕੁਮਾਰ ਨੇ ਵਾਤਾਵਰਨ ਦੀ ਸੰਭਾਲ ਸੰਬੰਧੀ ਗੀਤ ‘ਸੇ ਨੋ ਟੂ ਪਲਾਸਟਿਕ’ ਗਾਇਆ ਗਿਆ ਜਿਸ ਨੂੰ ਨੋਜਵਾਨ ਵਿਦਿਆਰਥੀਆਂ ਨੇ ਖੂਬ ਸਰਾਹੀਆ। ਡਾ. ਐਸ.ਐਸ. ਬੈਂਸ, ਕੰਨਵੀਨਰ ਈਕੋ ਨੈਵੀਗੈਸ਼ਨ ਕਲੱਬ ਨੇ ਮੁੱਖ ਮਹਿਮਾਨ ਵਿਦਿਆਰਥੀਆਂ ਤੇ ਸਮੂਹ ਅਧਿਆਪਿਕਾਂ ਦਾ ਧੰਨਵਾਦ ਕੀਤਾ। ਉਹਨਾਂ ਨਾਗਰਿਕਾਂ ਨੂੰ ਜਿੰਮੇਵਾਰ ਨਾਗਰਿਕ ਬਣਨ ਲਈ ਕਿਹਾ। ਸਮਾਗਮ ਦੌਰਾਨ ਮੰਚ ਸੰਚਾਲਨ ਪ੍ਰੋ. ਗੀਤਾਂਜਲੀ ਮਹਾਜਨ ਦੁਆਰਾ ਕੀਤਾ ਗਿਆ। ਇਸ ਮੌਕੇ ਪ੍ਰੋ. ਗੀਤਾਂਜਲੀ ਕੌਸ਼ਲ, ਪ੍ਰੋ. ਮਨਦੀਪ ਕੌਰ ਤੋ ਇਲਾਵਾ ਵੱਖ ਵੱਖ ਵਭਿਾਗਾਂ ਦੇ ਮੁਖੀ, ਅਧਿਆਪਕ ਤੇ ਵਿਦਿਆਰਥੀ ਹਾਜ਼ਰ ਸਨ।
