ਪੀਟੀਬੀ ਖਬਰਾਂ ਸਿਖਿਆ : ਲਾਇਲਪੁਰ ਖਾਲਸਾ ਕਾਲਜ ਫਾਰ ਵਿਮੈੱਨ, ਜਲੰਧਰ ਵਲੋਂ ਮਿਊਜ਼ਿਕ ਵੋਕਲ ਵਿਭਾਗ ਦੇ ਮੁਖੀ ਪ੍ਰੋ. ਡਾ. ਰੁਪਿੰਦਰ ਕੌਰ ਬੈਂਸ ਦੁਆਰਾ ਅਠੱਤੀ ਸਾਲ, ਚਾਰ ਮਹੀਨੇ ਅਤੇ ਉੱਨੀ ਦਿਨ ਸਫ਼ਲਤਾਪੂਰਵਕ ਅਧਿਆਪਨ ਕਾਰਜਸ਼ੀਲ ਨਿਭਾਉਂਦਿਆਂ ਸੇਵਾਮੁਕਤੀ ਹੋਣ ਸੰਬੰਧੀ ਵਿਦਾਇਗੀ ਪਾਰਟੀ ਦਾ ਆਯੋਜਨ ਕੀਤਾ ਗਿਆ।
ਉਨ੍ਹਾਂ ਨੇ ਇਸ ਸµਸਥਾ ਵਿਚ ਸµਗੀਤ ਵਿਭਾਗ 12 ਨਵੰਬਰ 1984 ਨੂੰ ਜੁਆਇਨ ਕੀਤਾ ਅਤੇ ਹੁਣ ਮੁਖੀ ਸੰਗੀਤ ਵਿਭਾਗ ਦੇ ਅਹੁਦੇ ਤੋਂ ਬੜੀ ਮਾਣ ਤੇ ਸਤਿਕਾਰ ਨਾਲ ਸੇਵਾਮੁਕਤ ਹੋਏ ਹਨ। ਉਨ੍ਹਾਂ ਨੇ ਇੱਕ ਜੂਨ ਦੋ ਹਜਾਰ ਸੋਲ਼ਾਂ ਤੋਂ ਅਗਸਤ ਦੋ ਹਜਾਰ ਸੋਲ਼ਾਂ ਤੱਕ ਕਾਲਜ ਦੇ ਪ੍ਰਿੰਸੀਅਲ ਵਜੋਂ ਵੀ ਸੇਵਾ ਨਿਭਾਈ। 29 ਸਾਲ ਦੀ ਉਮਰ ਵਿਚ ਉਨ੍ਹਾਂ ਨੂੰ ਸੈਨੇਟ ਦਾ ਮੈਂਬਰ ਵੀ ਚੁਣਿਆ ਗਿਆ। ਉਸ ਸਮੇਂ ਉਹ ਸਭ ਤੋਂ ਛੋਟੀ ਉਮਰ ਦੀ ਸੈਂਨੇਟ ਮੈਂਬਰ ਬਣੀ ਸੀ।
ਡਾ. ਰੁਪਿੰਦਰ ਬੈਂਸ ਜੀ ਬਾਈ ਸਾਲ ਦੀ ਉਮਰ ਵਿਚ ਸੱਤ ਸਾਲ ਦੇ ਅਧਿਆਪਨ ਤਜਰਬੇ ਨਾਲ ਕਾਲਜ ਵਿੱਚ ਛੋਟੀ ਉਮਰੇ ਹੀ ਭਰਤੀ ਹੋ ਗਏ ਸਨ। ਉਨ੍ਹਾਂ ਨੂੰ ਕਾਲਜ ਵੱਲੋਂ ਹਮੇਸ਼ਾ ਉੱਚ ਤਜਰਬੇਕਾਰ ਅਤੇ ਆਪਣੇ ਸਿੱਖਿਅਕ ਕੀਤੇ ਲਈ ਸਮਰਪਿਤ ਅਧਿਆਪਕ ਮਾਣਿਆ ਜਾਂਦਾ ਰਿਹਾ ਹੈ। ਉਨ੍ਹਾਂ ਆਪਣੀਆਂ ਅਧਿਆਪਨ ਜ਼ਿੰਮੇਵਾਰੀਆਂ ਨੂੰ ਨਿਭਾਉਣ ਤੋਂ ਇਲਾਵਾ ਕਾਲਜ ਦੀਆਂ ਵੱਖ ਵੱਖ ਗਤੀਵਿਧੀਆਂ ਦੀ ਬੜੀ ਜ਼ਿੰਮੇਵਾਰੀ ਤੇ ਸਰਗਰਮੀ ਨਾਲ ਅਗਵਾਈ ਕੀਤੀ। ਉਨ੍ਹਾਂ ਦੀ ਅਗਵਾਈ ਵਿਚ ਵਿਸ਼ੇਸ਼ ਵਿਭਾਗ ਨੇ ਸਮੇਂ ਸਮੇਂ ਅਨੇਕਾਂ ਉਪਲੱਬਧੀਆਂ ਹਾਸਿਲ ਕੀਤੀਆਂ।
ਕਾਲਜ ਦੇ ਪ੍ਰਿੰਸੀਪਲ ਡਾ. ਨਵਜੋਤ ਜੀ ਨੇ ਪ੍ਰੋ. ਡਾ. ਰੁਪਿµਦਰ ਕੌਰ ਬੈਂਸ ਨੂੰ ਉਸ ਦੀ ਸੇਵਾਮੁਕਤੀ ਦੀ ਵਧਾਈ ਦਿੱਤੀ ਅਤੇ ਉਨ੍ਹਾਂ ਕਿਹਾ ਕਿ ਉਹ ਦ੍ਰਿੜ੍ਹ ਇਰਾਦੇ ਦੇ ਪ੍ਰਤੀਕ ਹਨ। ਆਪਣੇ ਅਧਿਆਪਕ ਕਾਰਜਕਾਲ ਦੌਰਾਨ ਉਨ੍ਹਾਂ ਨੇ ਪੂਰੀ ਲਗਨ ਤੇ ਮਿਹਨਤ ਨਾਲ ਕਾਲਜ ਦੀ ਸੇਵਾ ਕੀਤੀ ਹੈ। ਲਾਇਲਪੁਰ ਖਾਲਸਾ ਕਾਲਜ ਫਾਰ ਵਿਮੈੱਨ, ਜਲੰਧਰ ਵਲੋਂ ਆਪਣੀਆਂ ਸ਼ਾਨਦਾਰ ਪ੍ਰੰਪਰਾਮਾ ਨੂੰ ਕਾਇਮ ਰੱਖਣ ਅਤੇ ਇਸ ਦੀ ਅਮੀਰ ਵਿਰਾਸਤ ਦਾ ਪਾਲਣ ਕਰਦਿਆਂ ਗਵਰਨਿੰਗ ਕੌਂਸਲ,
ਕੇ. ਸੀ. ਐਲ. ਗਰੁੱਪ ਆਫ ਇµਸਟੀਚਿਊਟਸ ਦੇ ਪ੍ਰਧਾਨ ਸਰਦਾਰਨੀ ਬਲਬੀਰ ਕੌਰ ਜੀ ਦੀ ਸਮੁੱਚੀ ਅਗਵਾਈ ਹੇਠ ਡਾ. ਨਵਜੋਤ ਪ੍ਰਿੰਸੀਪਲ ਲਾਇਲਪੁਰ ਖ਼ਾਲਸਾ ਕਾਲਜ ਫ਼ਾਰ ਵਿਮੈਨ, ਜਲµਧਰ ਵੱਲੋਂ ਡਾ. ਰੁਪਿੰਦਰ ਕੌਰ ਨੂੰ ਸੇਵਾਮੁਕਤੀ ਉੱਤੇ ਗ੍ਰੈਚੁਟੀ ਦਾ ਚੈੱਕ ਦਿੱਤਾ ਗਿਆ। ਮੈਡਮ ਰੁਪਿੰਦਰ ਜੀ ਨੇੇ ਆਪਣੇ ਕਾਰਜਕਾਲ ਨੂੰ ਯਾਦਗਾਰੀ ਸਫ਼ਰ ਬਣਾਉਣ ਲਈ ਮੈਨੇਜਮੈਂਟ ਅਤੇ ਮੈਡਮ ਪ੍ਰਿੰਸੀਪਲ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
